Tanky/Barrel a tui leng zat chhut chhuah dan.

          Ka lunglen tehreng nen ziah tur ka hrelo emai tanky/barrel a tui leng zat chhut chhuah dan kan sawi mai mai ange...Kan tuizem a tui leng zat hrelo fe fe kan tam tak in.

Tanky Formula :
   1.) L x W x D = Cubic Feet
   2.) Cubic Feet x 7.47 = Gallons
   3.) Gallon 1 = 3.78541 liters
   ( L=Length, W=Width, D=Depth)

           Tanky chu adung leh avang leh a san lam(thuk lam) kha feet engzat nge teh phawt la.eg.(12x10x6). A puntir chhuak chu cubic feet a lo ni ang.eg (12x10x60=720 cubic ft). Cubic feet leh 7.47 kan puntir leh anga a chhuak chu Gallon alo ni leh ang. eg (720x7.47=5378.4 Gallons). Kan tanky ah chuan Gallons 5378.4 tui a leng tihna a lo ni ta. Gallon khat in Liters 3.78541 a tluk a, kan Gallons neih zat 5378.4 leh 3.78541 hi kan puntir anga Liters zat chu a lo chhuak tawh mai ang. eg (5378.4x3.78541=20359.449144 liters). Kan tanky ah chuan Liters 20359.449144 a leng tihna a loni ta.

Barrel Formula :
   1.) Pi(3.14) x R x R x D= Cubic Feet
   2.) Cubic Feet x 7.47 = Gallons  
   3.) Gallon 1 = 3.78541 liters
   (Pi=3.14, R= Radius, D=Depth)

           Barrel chu a Diameter i la ang ( barrel chung ah a kuar kiar(zau) lai ah khan measuring tape in teh la),chumi chanve chu radius a lo ni ang. eg (Feet 4 Diameter chu Feet 2 Radius). Pi leh Radius square leh a san zawng puntir chhuak chu Cubic Feet a lo ni ang. eg (3.14x2x2x6= 75.36 Cubic ft). Cubic feet leh 7.47 kan puntir leh anga a chhuak chu Gallon alo ni leh ang. eg (75.36x7.47=562.9392 Gallons). Kan barrel ah chuan Gallons 562.9392 tui a leng tihna a lo ni ta. Gallon khat in Liters 3.78541 a tluk a, kan Gallons neih zat 562.9392 leh 3.78541 hi kan puntir anga Liters zat chu a lo chhuak tawh mai ang. eg (562.9392x3.78541=2130.95 liters). Kan barrel ah chuan tui Liters 2130.95 a lo leng reng mai.